भांगरभूंय | प्रतिनिधी
रॉकेटांत वापरिल्ल्या चिपाचें सॉफ्टवेअर चोरपाचो यत्न ः एस. सोमनाथ
कोची, खबरां संस्था ः भारतीय अंतरिक्ष संशोधन संघटनेच्या (इसरो) सॉफ्टवेअराचेर दर दिसा शंबरां परस चड सायबर हल्ले जातात. केरळांतल्या कोच्चींत जाल्ल्या दोन दिसांच्या आंतरराष्ट्रीय सायबर परिशदेंत इस्रोचे मुखेली एस सोमनाथ हांणी ही म्हायती दिली.
रॉकेट तंत्रगिन्यानांत सायबर हल्ल्याची शक्यताय चड आसता, कारण तातूंत प्रगत सॉफ्टवेअर आनी चिप्स वापरतात. कितलोय व्हडलो हो धोको आसूं, अशा हल्ल्यांतल्यान इसरो पुरायपणान सुरक्षीत आसा. आमची प्रणाली सायबर सुरक्षा नेटवर्कान सज्ज आसा. तातूंत खंयच्याच प्रकारान छेडछाड करप शक्य ना अशें सोमनाथ हांणी सांगले.
अपडेट जावपाची गरज
सॉफ्टवेरा भायर रॉकेटांतल्या हार्डवेअर चिपांची सुरक्षेचेरूय संस्था लक्ष केंद्रीत करता ते खातीर वेगवेगळ्या प्रकारच्यो चांचण्यो करतात. पयलीं आमी उपग्रहाचेर नियंत्रण दवरपाक सॉफ्टवेअर तयार करताले. आतां जायत्या उपग्रहां खातीर तेंच काम सुरू आसा. काळाप्रमाण तंत्रगिन्यान बदलत आसा ते प्रमाण आमी अपडेट जावप गरजेचें आसा. सामान्य मनशाच्या दिसपट्ट्या जिणेंत आदार दिवपी जायते उपग्रह आसात. ह्या सगळ्यांचें नियंत्रण वेगवेगळ्या प्रकारच्या सॉफ्टवॅरावरवीं जाता. ह्या सगळ्यांची राखण करपा खातीर सायबर सुरक्षा खूब म्हत्वाची अशें सोमनाथ हांणी सांगले.
कृत्रिम बुद्धीचो आदार
सायबर हल्ल्या विशीं उलयतना सोमनाथान जोडलें – प्रगत तंत्रगिन्यान आमकां वरदान आनी धोको अशें दोनूय प्रकार आसा. कृत्रीम बुध्दी सारकिल्या तंत्रगिन्यानाचो वापर केल्यार सायबर गुन्यांवाच्या आव्हानांक तोंड दिवंक मेळटा. हाचे खातीर चड बरे संशोधन आनी कश्ट करचे पडटले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
