भांगरभूंय | प्रतिनिधी
भांगरभूंय । प्रतिनिधी
काणकोणः खेळ आनी युवा वेव्हार खात्यान आयोजीत केल्ल्या काणकोण तालुको पांवड्या वययल्या विद्यार्थ्यांचे अंडर-17 फुटबॉल सर्तींत आमोणे- पैंगीणच्या बलराम निवासी विद्यालयान वस्तादपण मेळयलें. फायनलींत ताणी आंगोंदच्या सेंट अॅनीस इन्स्टिट्यूट पंगडाक हारयलें.
देवाबाग मैदानार ही सर्त जालू. वट्ट 12 पंगडानी तातूंत वांटो घेतिल्लो. फुटबॉल उदरगत म्हामंडळाचे प्रशिक्षक टॅरेन्स लोबो हांचे मार्गदर्शन तांकां मेळ्ळें. बलराम पंगडान उपांत्यपूर्व फेरयेंत सादोळशेंच्या सरकारी विद्यालय आनी उपांत्य फेरयेंत चावडेच्या सेंट तेरेझा हायस्कुलाचेर जैत मेळयल्लें. ह्या पंगडात कुणाल नागवेकार, यश वेळीप, उत्पल मेत्री, अनिश काकोडकार, रजत वेळीप
प्रज्योत गांवकार, नवनाथ गांवकार, श्रेयश गांवकार, प्रतीक गांवकार, क्रिश गांवकार, मयंक वेळीप, विनोद वेळीप,
अमोल गांवकार, प्रियम गांवकार, स्वप्नील गांवकार, रितेश गांवकार हांचो आसपाव आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
