भांगरभूंय | प्रतिनिधी
भांगरभूंय । खेळां मेज
पणजीः दुसऱ्या आंतर म्हाविद्यालयीन ऑस्कर यादस्तीक क्रॉस कंट्री सर्तींत केंपेच्या सरकारी म्हाविद्यालयाचो पंगड जैतिवंत थारलो.
ही 5.5 किलोमीटरांची सर्त कुंकळ्ळीच्या सीईएस म्हाविद्यालया कडेन जाली. केपें म्हाविद्यालयान अंदूच्या वर्सा जिखल्ले हें तिसरें क्रॉस कॅट्री वस्तादपण आसा.
गोंयांतल्या वेगवेगळ्या म्हाविद्यालयीन पंगडांनी हे सर्तींत वांटो घेतिल्लो. सर्तीतली दुसरी सुवात काणकोणच्या मल्लिकार्जुन आनी चेतन देसाय म्हाविद्यालयान आनी तिसरी सुवात कुंकळ्ळच्या सीईएस म्हाविद्यालयान मेळयली. जैतिवंत केंपें म्हाविद्यालयीन पंगडांत परशुराम घाडी. मिलफोर्ट पिशोट, सिद्धांत गांवकार, शैलेश गांवकार आनी स्वप्नील रायकार हांचो आसपाव आशिल्लो.
समाज कल्याण मंत्री सुभाष फळदेसाय इनाम भेटवण कार्यावळीक मुखेल सोयरो म्हणून हाजीर आशिल्लो. तांणी जैतिवंताक इनामा भेटयलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
