भांगरभूंय | प्रतिनिधी
नवी दिल्ली, खबरां संस्था : फुडल्या दोन वर्सांत ‘दावो आतंकवाद’ देशांतल्यान पुरायपणान धांवडावन घालतले अशें केंद्रीय गृहमंत्री अमित शाह हांणी सांगलें. फाटल्या चार दशकांत सगळ्यांत उण्यो हिंसक घडणुको आनी मरणां 2022 वर्सा नक्सल बाधित वाठारांनी नोंद जाल्यांत. नक्सलवाद हो मनीसजातीक लागिल्लो स्राप आनी ताचीं पाळांमुळां आमी पुरायपणान खणून काडटले, अशें शाहान सांगलें.
नक्सल बाधिल्ल्या वाठारांनी 2010 वर्साचे तुळेंत हिंसक घडणुको 77 टक्क्यांनी उण्यो जाल्यात, असो दावो सरकारी अधिकाऱ्यांनी केला. हे बसकेंत महाराष्ट्र, आंध्र प्रदेश आनी झारखंडाचे मुख्यमंत्री हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
