भांगरभूंय | प्रतिनिधी
गोडेंमूत असाध्य आसून ताचेर फकत नियंत्रण दवरूं येता. हाका लागून भलायकी तज्ञ रगतांतली साकर आशिल्ल्या दुयेंतींक योग्य आहारा वांगडाच व्यायाम करपाचो सल्लो दितात. पूण तुर म्हळ्यार अरहर दाळय साकर नियंत्रीत करूंक शकता.
पोटॅशियम, मॅग्नेशियम, कॅल्शियम, तंतू आनी सोडियम सारकिल्ले पोशक तत्व तुर दाळीत मेळटात. हाचे वांगडाच बीपीचेर नियंत्रण दवरता.
भलायकी तज्ञांच्या मतान, ऑक्सिडेटिव्ह ताण वाडल्यार आमच्या कुडींत रगतांतली साकर वाडटा. रगतांतली साकर वाडल्यार गोडेंमूत जाता. हळदांत अँटीऑक्सिडेंट गुणधर्म चड आसतात आनी ताका लागून ऑक्सिडीभवनाचो ताण उणो जाता. ही दाळ नेमान खाल्यार रगतांतली साकर नियंत्रणांत दवरूं येता.
कोम काडिल्ली तुर दाळ हायपरग्लायसेमिया म्हळ्यार रगतांतली साकर चड नियंत्रीत करपाकय फायदेशीर आसता. तातूंत कॉम्प्लेक्स कार्ब्स चड आसतात, देखून रगतांतली साकर तितली बेगीन वाडना. गोडेंमूत जाल्ल्या दुयेंतींची रोगप्रतिकार शक्त दुबळी आसता, देखून ते बेगीन दुयेंत पडटात. तुर दाळ खाल्यार रोगप्रतिकार शक्त वाडटा आनी कुडीची पचन तंत्रय सुदारता.
गोडेंमूत जाल्यार रगतांतली साकर नेटान वाडटा, देखून आहाराची खर जतनाय घेवप गरजेचें आसता. हाका लागून जायत्या जाणांचें वजन वाडूंक लागता. तुर दाळ खाल्यार वजन नियंत्रीत करपाक मजत जाता. तुर दाळीत तंतू भरपूर आसता. हें खाल्यार पोट चड काळ भरून उरता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
