भांगरभूंय | प्रतिनिधी
पणजी ः संत सोहिरोबानाथ आंबिये सरकारी महाविद्यालय विर्नोडा – पेडणें आपल्या वर्सुकी कार्यावळीचो वांटो म्हूण कविवर्य बाकीबाब बोरकार हांच्या कोंकणी काव्याचेर विशेश करून ‘पांयजणां’ आनी ‘सासाय’ ह्या काव्यसंग्रहांचेर एक खास कार्यावळ घडोवन हाडटा. बाकीस्पंदन ह्या शिर्शका खाला 7 ऑक्टोबर ह्या दिसा जावपी हे कार्यावळींत गोंय विद्यापिठाच्यो इंग्लिश विभागाच्यो निवृत्त प्राध्यापक, समिक्षक डॉ. किरण बुडकुले ह्या वेळार मार्गदर्शन करतली.
दनपरां 1: 00 वराचेर महाविद्यालयाच्या सेमिनार सभाघरांत जावपी हे कार्यावळींत कोंकणी विभागाचें वण्टिपत्रक ‘काव्यसूर’ हाचेंय उक्तावण जातलें.
बाकीबाब बोरकार हांचें जिवीत , कार्य आनी काव्य ह्या संदर्भांत खोलायेन समजून घेवपा पासत ही कार्यावळ विद्यार्थ्यांक तशेंच शिक्षकांक भोवच उपेगी थारतली. अशें कार्यावळीचें संयोजक प्राध्यापक मानसी धाऊस्कार आनी प्राध्यापक प्रियांका परब हांणी कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
