भांगरभूंय | प्रतिनिधी
मडगांव: पालिका प्रभाग 16 मर्यादीत चवथी निमतान आयोजीत केल्ल्या माटोळी आनी सजावट सर्तीचो निकाल जाहीर केलो. आमदार दिगंबर कामत हांच्या सहकार्यान उपनगराध्यक्षा दिपाली सावळ हांणी सर्तीचें आयोजन केल्लें.
कालकोंडा, चिंचाळ, शिरवडें आनी खारेबांद मेळून वट्ट 48 कुटुंबांनी सर्तींत वांटो घेतिल्लो. आयतारा कालकोंडेंच्या श्रीकृष्ण देवळांत आमदार कामत आनी योगीराज कामत हांचे हस्तुकीं इनामां भेटवण सुवाळो जालो. ह्या वेळार उपनगराध्यक्षा दीपाली सावळ आनी देवळाचे वांगडी हाजीर आशिल्ले.
मोटाळी आनी सजावट सर्तीचो निकाल मुखार दिल्ले प्रमाण.
माटोळी सर्तर्: पप्पू च्यारी, देविदास विर्डीकार, राजेश नायक, उमेद वाडोवपी प्रमोद बोरकार, दामोदर कासकार, पुंडलीक विर्डीकार, सूरज कुंकळ्येंकार.
सजावट सर्त: निलेश सावके पयलो, दामोदर दळवी, दीपाली साळगांवकार. उमेद वाडोवपी नेहा पेडणेंकार, दाजी आरोंदेकार, सुभाष विर्डीकार.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
