भांगरभूंय | प्रतिनिधी
लातूर, खबरां संस्था: फाटल्या तीन दिसांनी लातुरांत भुंयकांपाचे चार धक्के बसल्यात. ताका लागून नागरिकां मदीं भंय पातळ्ळा. लातूर जिल्ह्यांतल्या हासोरी, उस्तुरी भागांत हे धक्के बसल्यात. ते सौम्य आसले तरी खिल्लारी भुंयकांपाची याद लोकांक येवंक लागल्या.
फाटल्या वर्साय ह्या वाठारांत भूंयकांप जाल्लो. अंदूं बुधवारा रातच्या ९ क भूंयकांप जाणवलो. तीन दिसांत ४ भूंयकांप जाल्यात आनी ह्या भूंयकांपाची खरसाण १.६ रिश्टर स्केल इतली नोंद जाल्या. फाटल्या कांय दिसां सावन जमनी पोंदच्यान आवाज आयकूंक येतात.
२ ऑक्टोबराक भूंयकांपाचे तीन धक्के बशिल्ले. बुधवाराय दोन धक्के जाणवले. हे विशीं नागरिकांनी प्रशासनाक कळयलें तेन्ना तांणी ताची दखल घेवंक ना. फकत एकूच धक्को आयिल्ल्याचें प्रशासन म्हणटा. गांवच्या लोकांनी ४ धक्के बशिल्ल्याचें सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
