भांगरभूंय | प्रतिनिधी
नवी दिल्ली, खबरां संस्था ः हिंदुस्तान एअरोनॉटिक्स लिमिटेड (HAL) कंपनीन बुधवारा पयलें एलसीए (LCA) तेजस ट्विन – सीटर ट्रेनर विमान भारतीय वायुसेनेक दिलें. सगळ्या हवामानांत उडपाक सक्षम अशें हें हलकें विमान. पूण भारतीय सैन्याकडेन एलसीए तेजस मार्क-1 ए विमानाचीय प्रगत आवृत्ती आसा. हें एक झुजारी विमान. जी वराक ५०० किमी. गतीन धावता आनी ६ प्रकारचीं क्षेपणास्त्रां व्हरपाक सक्षम आसा. सद्या भारतीय वायुसेनेच्या पयल्या क्रमांकाच्या झुजारी विमानांत सुखोई एसयू- 30 एमकेआय, राफेल, मिराज, मिग- 29 आनी तेजस हांचो आस्पाव आसा.
ह्या खाशेलपणांक लागून तेजस हेर चार झुजाऱ्यां विमाना परस वेगळे आनी खाशेले आसा.
१. ह्या विमानाचे ५०% घटक म्हळ्यार यंत्रणां फकत भारतांत तयार केला.
२. इस्रायलचे ईएल/एम-२०५२ रडार ह्या विमानांत आधुनिक तंत्रज्ञानान बसयला. ताका लागून तेजस एकाच वेळार 10 लक्ष्यांक ट्रॅक करुन तांका मारपाक सक्षम आसा.
३. सामकेच उण्या जाग्यार म्हळ्यार ४६० मीटर धांवपट्टीचेर उड्डाण करपाची तांक.
४. हें झुजारी विमान सगळ्यांत हलके म्हळ्यार फकत 6500 किलोचे आसा.
वायुसेनेक तेजसाची गरज कित्याक पडली?
फाटल्या पांच दशकांत 400 परस चड मिग- 21 विमान अपघात जाल्ल्यान भारत सरकाराक ते बदलपाचे आशिल्ले. ह्या मिग- २१ च्या जाग्यार तेजसाक यश मेळ्ळें. ह्या विमानाच्या हलके वजनाक लागून दर्यांतल्या तारवांनी लेगीत तें सहजपणान देंवपाक आनी उड्डाण करपाक शकता. इतलेंच न्हय, ताची शस्त्रां व्हरपाची तांक मिग- 21 परस दुप्पट आसा. तेजसाची गती राफेला परस दर वरांक 300 किमी चड आसा .
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
