सिक्कीम हुंवारान उध्वस्त : १४ जाणांक मरण, ३ हजार पर्यटक शिरकले
भांगरभूंय | प्रतिनिधी
२३ जवानां सयत १०२ जाणां कडेन कसलेच तरेचो संपर्क ना
गंगटोक, खबरां संस्था : सिक्कीमांत बरोच व्हडलो हुंवार आयला. अचकीत जाल्ले ढगफुटीन हांगा विध्वंस जाला. सिक्कीमांत सध्या हजारांनी पर्यटक शिरकल्यात. जाल्यार १४ जाणांक मरण आयलां. प्रधानमंत्री मोदी हांणी सिक्कीमच्या मुख्यमंत्र्यांक मजतीचें आस्वासन दिलां.
सिक्कीमांत सध्या हुंवाराची परिस्थिती निर्माण जाल्या. ल्होनक तळ्याच्या वाठारांत अचकीत ढगफुटी जाली. ताका लागून तिस्ता न्हंयेंक हुंवार आयला. ताका लागून न्हंयेचें देगे वयल्या लोकांचें व्हड लुकसाण जालां.
सिक्कीमांत आयिल्ल्या ह्या हुंवारांत आतां मेरेन १४ जाणांक मरण आयलां. जाल्यार २३ जवानां सयत १०२ जाणां कडेन आजून मेरेन कसलेच तरेचो संपर्क जावंक ना. जाल्यार ३००० पर्यटकूय सिक्कीमांत आडखळून उरल्यात. तिस्ता न्हंयेंच्या उदकाची पातळी १५ ते २० फुटांनी वाडल्या. राष्ट्रीय म्हामार्ग १० उदका पोंदाक गेला.
सिक्कीमच्या मंगन जिल्ह्यांतल्या लोनाक सरोवराच्या वाठारांत हुंवाराची स्थिती निर्माण जाल्या. तिस्ता न्हंयेंच्या उदकाचे पातळेंत वाड जाल्या. ताका लागून मंगन, गंगटोक, पाकयोंग आनी नामची ह्या जिल्ह्यांचें बरेंच लुकसाण जालां. प्रधानमंत्री नरेंद्र मोदी हांणी सिक्कीमचे मुख्यमंत्री प्रेमसिंग तमांग हांचे कडेन फोना वयल्यान चर्चा केली. सिक्कीमाक सगळे तरेची मजत करपाचें आस्वासन दिलां. तशेंच तमांग हांणी हुंवार आयिल्ल्या सिंगताम भागाक भेट दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
