भांगरभूंय | प्रतिनिधी
रोम, खबरां संस्था : शाहरुख खानाच्या २००४ तल्या ‘स्वदेश’ सिनेमाची नायिका गायत्री जोशी हिचे गाडयेक इटलींत अपघात जाला. ती आनी तिचो घोव ओबेराॅय कन्स्ट्रक्शनाचे एमडी विकास ओबेराॅय जखमी जाल्यात. तर दुसरे गाडयेंतल्या स्वीस जोडप्याक मरण आयलें.
जोशी हांची लॅम्बोर्गिनी कार मिनी ट्रकाक ओव्हरटेक करताली. इतल्यान तिचो नेटाचो धपको मुखार आशिल्ले फरारी गाडयेक बसलो. ह्या अपघाता उपरांत ट्रक रस्त्या कुशीक उमथलो. फेरारीक उजो लागलो. तातूंतल्या स्वीस जोडप्याक लासून मरण आयलें. तांचें नांव मेलिसा क्रौटेली (६३) आनी मार्कूस क्रौटेली (६७) अशें आसा. गायत्री आनी विकास हांकां किरकोळ मार लागला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
