भांगरभूंय | प्रतिनिधी
भांगरभूंय । प्रतिनिधी
केंपेंः केंपें तालुको बुद्धिबळ असोसिएशनान आयोजीत केल्ली राज्य पांवड्या वयल्या चंद्रकांत नायक यादस्तीक रॅपीड बुद्धिबळ सर्तीचें बांदकाम मंत्री नीलेश काब्राल हाचे हस्तुकीं केपें खेळां संकुलांत उक्तावण जाले.
उक्तावण कार्यावळीक पर्यटन संचालक संजय कवळेकार, सर्गेस्त चंद्रकात नायक हांचे पूत सुभाष नायक, संदीप नायक, समीर नायक सांगें तालुको बुद्धिबळ असोसिएशनाचो अध्यक्ष आनी गोंय बुद्धिबळ असोसिएशनाचो जोड सचीव किशोर गांवस देसाय,काणकोण टीसीएचो अध्यक्ष शरेंद्र नायक, अमृत नायक हाजीर आशिल्ले.
सर्तीच्या पयल्या पांच फेरये उपरांत मंदार लाड, इशान काकोडकार आनी यश प्रभू पयल्या तीन जाणां मदीं आसात. अनिकेत एक्का, आयुष्य संजीव नायक 4.5 गुण मेळोवन तांच्या फाटोफाट आसात. वट्ट 15 खेळगड्यांनी 4 गुण मेळयल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
