भांगरभूंय | प्रतिनिधी
भांगरभूंय । प्रतिनिधी
वाळपयः सत्तरी तालुक्यांतल्या बुद्धिबळ खेळगड्यांत सप्तकांतले दोन दीस प्रशिक्षण दिवपाची वेवस्था सत्तरी तालुको बुद्धिबळ संघटनेन केल्या.
मंगळार आनी बिरेस्ताराक वाळपय पालिका सभाघरांत शिबर आयोजीत करतले. वाळपय पालिका मंडळाची नगराध्यक्ष सेहझीन शेक हिणे दिवली पेटोवन पयल्या प्रशिक्षण शिबिराचें उक्तावण केलें. ह्या वेळार बुद्धिबळ संघटनेचो अध्यक्ष कालिदास हरवळकार, सचीव सुभाषचंद्र गांवस, गिरीश गाडगीळ हाजीर आशिल्लो.
बुद्धिबळ व्हो खेळ बुद्धिक चालना दिवपी आसा. मनाचे एकाग्रते खातीर व्हा खेळाचो उपेग जाता, अशें सेहझीन हिणे सांगलें. फाटल्या धा वर्सां सावन सत्तरी तालुक्यांत बरे बुद्धिबळ खेळगडे तयार करपा खातीर आमचे यत्न चल्ल्यांत. तांकां प्रशिक्षण दिवंन राज्य पांवड्या वयले सर्तींत वांटो घेवपाक तांकां सक्षम करपा खातीर सप्तकांतले दोन दीस प्रशिक्षण दिवपाचो उपक्रम सुरूकेला असें सुभाषचंद्र गावस हाणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
