भांगरभूंय | प्रतिनिधी
भांगरभूंय । खेळां मेज
पणजीः आरजी हॉस्पिटल आरजी मॅरेथॉन 3.0 सर्तीक उपाट प्रतिसाद मेळ्ळो. पावस पडटास्तना लेगीत फाटल्या 1 ऑक्टोबराक सकाळीं 5 वराचेर हे सर्तींत सुरवात जाली. 5 किलोमीटर, 10 किलोमीटर आनी 21 किलोमीटर अशी ही सर्त जाली. दिव्यांग अॅथेलिटां खातीर सर्तीत एक विशेश श्रेणी आशिल्ली.
नामनेचो रनर आनी फिटनेस गुरू मिलिंद सोमण हे सर्तीचो मुखेल आकर्शण आशिल्लो. ह्या इव्हेंटाचो तो ब्रँड अम्बसडर लेगीत आशिल्लो. आपली घरकान्न अंकिता कन्वार हिचे सयत ताणे सर्तींत वांटो घेतिल्लो. 21 किलोमीटर सर्तींत परासप्पा हालिजिओ व्हो जैतिवंत थारलो. अभिषेकान दुसरी आनी अनंत बी गांवकारान तिसरी सुवात मेळयली.
10 किलोमीटर सर्तींत अनुभवान पयली. विवेक नारायण मकोन दुसरी आनी अनिता कमलावल्लीन तिसरी सुवात मेळयली. 5 किलोमीटर सर्तींत ओंकार सदानंदान पयली, यशराज बलरामान दुसरी आनी देव नारायण हाणे तिसरी सुवात मेळयली. सर्तींतल्या जैतिवंतांक पदका, प्रमाणपत्रां आनी रोख इनामां दिलीं. मुखेल सोयरो मिलिंद सोमण हाचो आरजी हॉस्पिटलाची मुखेल नेफ्रोलॉजीस्ट डॉ शीतर लेंगाडे हिचे हस्तुकीं भोवमान केलो. गोंयचे पुलीस म्हासंचालक जसपाल सिंग, आयजीपी ओमवीर सिंग विश्णोय, उत्तर गोंयचो एसपी निधीन वाल्सन, आरजी हॉस्पिटलाचो डॉ मारझूक, डॉ अंजुम हे इनाम भेटवण कार्यावळीक हाजीर आशिल्ले. गोंय अथेलेटिक असोसिएशन, पर्यटन खाते, गोंय पुलीस, पीन्क फोर्स आनी पणजी म्हानगरपालिकेन ही सर्त आयोजीत करपाक पालोव दिलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
