भांगरभूंय | प्रतिनिधी
नागरी विमान येरादारी महासंचालनालयाचो प्रस्ताव
नवी दिल्ली, खबरां संस्था ः नागरी विमान येरादारी महासंचालनालयान एक प्रस्ताव तयार केला. तांतूत पायलट आनी खलाश्यांच्या परफ्यूम वापरपाचेर बंदी घालची, अशें म्हळां. परफ्यूमांत आल्कोहॉल चड आसता, देखून ताचो परिणाम स्वासाचे चांचणेचेर जावं येता अशें डीजीसीए म्हणटा. मनीस पियेला काय ना आनी कितलें पियेला हें थारावपा खातीर ब्रेथलायझर चांचणी करतात.
खबरां एजन्सी एएनआयच्या म्हणण्या प्रमाण, खंयच्याच खलाश्याक माउथवॉश, टूथ जेल, परफ्यूम वा आल्कोहॉल आशिल्लें खंयचेंय उत्पादन वापरूंक मेळचें ना अशें नव्या डीजीसीए प्रस्तावांत म्हणलां. जर खलाशी ह्यो वस्तू (माउथवॉश, टूथ जेल, परफ्यूम) वापरल्यार तांची ब्रेथलायझर चांचणी पॉझिटिव्ह जावपाची चड शक्यताय आसता. तशेंच जेन्ना खलाशी वांगडी ड्युटीचेर आसतात आनी ह्यो वस्तू वापरपाक सोदतात तेन्ना कंपनीच्या दोतोराचो सल्लो घेवचो अशें डीजीसीएच्या मसुद्यांत म्हणलां.
ब्रेथलायझराची चांचणी कॅमेऱ्या मुखार करतात
डीजीसीए सयत भारतांतलीं विमान कंपन्यो खंयच्याय ऑपरेशनाच्या आदीं ब्रेथलायझर चांचणी करपा विशीं खूब कडक आसात. देखूनच अशीं चांचण्यो सदांच कॅमेऱ्याचे मुखार करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
