भांगरभूंय | प्रतिनिधी
कॅटलीन करिको आनी ड्र्यु वेसमन हांच्या नांवांची घोशणा
नोबेल इनामांची घोशणा सुरू जाल्या आनी वैजकी मळा खातीर पयलो नोबेल पुरस्कार जाहीर जाला. कोरोना लस संशोधनांत म्हत्वाचो वांटो आशिल्ल्या कॅटलीन करिको आनी ड्र्यु वेसमन ह्या शास्त्रज्ञांक अंदूं वैजकी मळार नोबेल पुरस्कार जाहीर केला. स्विडनाच्या कॅरिलोन्स्का संस्थेच्या नोबेल परिशदे कडल्यान करिको आनी ड्र्यु वेसमन हांच्या नांवांची घोशणा केल्या.
अंदूंच्या नोबेल पुरस्कार जैतिवंतांची घोशणा वैजकी मळार पुरस्कार जाहीर करून सुरू जाल्या. फुडल्या कांय दिसांनी विज्ञान, साहित्य, अर्थशास्त्र आनी शांतताय ह्या मळार उत्कृश्ट कामगिरी करपी दिग्गजांक हे पुरस्कार जाहीर करतले. हो पुरस्कार १९०१ वर्सा सुरू जालो. सर आल्फ्रेड नोबेल हांच्या उगडासाक दर वर्सा हे पुरस्कार भेटयतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
