भांगरभूंय | प्रतिनिधी
कंपनीची व्हड कारवाय
नवी दिल्ली, खबरां संस्था ः व्हॉट्सअॅप हो सोशल मिडिया प्लॅटफॉर्म. हाका लागून वापरप्यांक एकामेकां कडेन संवाद सादपाक मेळटा. मेटा ही व्हॉट्सअॅपाची मूळ कंपनी. कंपनी सदांच आपल्या वापरप्यां खातीर नवी खाशेलपणां आनी अपडेट हाडटा. आतां कंपनीन व्हडली कारवाय केल्या. व्हॉट्सअॅपान आयटी 2021 च्या नव्या नेमा प्रमाण भारतांत 74 लाखां परस चड फेक अकाउंटांचेर बंदी घाल्या. खबरां प्रमाण मेसेजिंग प्लॅटफॉर्म आशिल्ल्या व्हॉट्सअॅपान 1 ते 31 ऑगस्ट ह्या काळांत देशभरांतल्या ऑगस्ट म्हयन्यांत भारतांत विक्रमी 14,767 कागाळी आयल्यात. तांतूतल्या 71 खात्याचेर कंपनीन कारवाय केली. कंपनीच्या म्हणण्या प्रमाण, ह्या वापरप्यांच्या सुरक्षा अहवालांत मेळिल्ल्या कागाळींचो आनी व्हॉट्सअपान स्वताच्या प्लॅटफॉर्माचेर दुरुपयोग आडावपा खातीर घेतिल्ल्या प्रतिबंधात्मक कृतीचो तपशील दिला, तातूंत व्हॉट्सअपान केल्ले कृतीचोय आस्पाव आसा.
देशांतल्या कागाळ अपील समितीचो (जीएसी) ऑगस्टांत व्हॉट्सअॅपाक आदेश मेळिल्लो. कंपनीन तो आदेश पाळ्ळो. कंटेंट आनी संबंदीत गजालीं विशीं वापरप्यांनी मांडलेले प्रस्न सुटावे करपा खातीर केंद्र सरकारान हालींच तक्रार अपील समिती (जीएसी) स्थापन केल्या. डिजिटल नेम घटमूट करपाचो आनी सोशल मिडिया प्लॅटफॉर्मांच्या निर्णयां आड वापरप्यांनी केल्ल्या अपीलाचेर काम करपाचो हे समितीचो हेत आसा.
मजगतीं, WABetaInfo च्या अहवाला प्रमाण, व्हॉट्सअॅप फोटो, व्हिडियो आनी जीआयएफ (GIF) हांकां बेगीन जाप दिवपा खातीर नवे ‘रिप्लाय बार’ फीचर सुरू करता. वापरप्यांनी गूगल प्ले स्टोरांतल्यान एंड्रॉयडा 2.23.20.20 अपडेट खातीर नवो व्हॉट्सअॅप बीटा इन्स्टॉल करचो. हो व्हॉट्सअॅप बीटा स्थापन केल्या उपरांत वापरप्यांक फोटो वा व्हिडियो पळयतना नवे रिप्लाय बार फीचर मेळटलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
