भांगरभूंय | प्रतिनिधी
भांगरभूंय । प्रतिनिधी
केरी-सत्तरीः गोंय सरकाराच्या खेळ आनी युवा वेव्हार खात्यान आयोजीत केल्ल्या दिवचल तालुको विद्यार्थिनीच्या अंडर -17 फुटबॉल सर्तींत साखळेच्या प्रोग्रेस हायस्कूल पंगडान वस्तादपण मेळयलें. फायनलींत ताणी पैरा हायस्कुलाक 3-0 अश्या गोलांनी सहज हारयलें.
दिवचल्या अवर लेडी ऑफ ग्रेस आनी मयेंच्या महामाया हायस्कूल पंगडांक हारोवन प्रोग्रेसान फायनलींत प्रवेश केल्लो. जैतिवंत पंगडांत हबीबा शेख,गौराई नायक,इमल गुरव,प्रियाणी वाडकार,के.कुसुमा,श्रीशा कोटरगस्ती,ग्रेटीस रेड्डी,यशिका गावडे,विभुषा गावस,श्रीशा सावळ,प्राची च्यारी,पूर्वा गावस,दिशा सडेकर,सायना केरकर,सिया अवखळे आनी अक्षरा साहू हांचो आसपाव आशिल्लो. दिवचल तालुको खेळा आयोजक राजू पवार, प्रोग्रेस हायस्कुलाचे पीटी टिचर प्रसाद सुर्लकार, काशिनाथ कामत, निखिल आरोंदेकार, विवेक शेट्ये फायनलीक हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
