भांगरभूंय | प्रतिनिधी
लंडन, खबरां संस्था : तुमकां कितेंय विकपाक कळ्ळें जाल्यार तुमी कितेंय विकूंक शकतात, हाचेर विस्वास दवरात. ह्या संवसारांत जायते लोक आसात जे आपलीं उत्पादनां विकून लाखांनी जोडटात. आयज एके अशे बायले विशी आमी सांगतले जी फकत पांयांचे फोटो शेअर करून म्हयन्याक लाखांनी रुपया मेळयता. पांच लाखां परस चड रुपया!
आमी उलयतात लंडनांतली सिनी एरियल हांचे विशीं. जी वेवसायान मॉडेल आनी टॅटू कलाकार आसा. पूण तिच्या उत्पन्नाचो मुखेल स्रोत म्हळ्यार तिचे पांय. हाका लागून ती दर म्हयन्याक ५,००० पाउंड (५ लाखां परस चड) मेळयता आनी ह्या पयशांनी ती आपले छंद पुराय करता आनी संवसारांतल्या वेगवेगळ्या देशांक भेट दिता.
४१ वर्सां पिरायेची सिनी सांगता, लोकांक तिच्या पांयांचीं फकत तिनूच फोटो पळोवपाक आवडटात. एका पांयाचे तळवे दाखोवन दुसर्या पांयान जमनीर पडिल्ल्यो वस्तू उखलून आनी तिसरो पांय फुडें ओडून. डेली स्टारा कडेन, उलयतना तिणें सांगलें, ती वेबसायटीचेर तिचे फोटो पोस्ट करता आनी उपरांत ते विशीं वर्णन बरयता. उपरांत ती त्या चित्रांची किंमत थारायता.
अशा फोटों वयल्यान केन्ना केन्ना तिची जोड सात लाखां वयर आसता, अशें ती सांगता. सध्या ती एक विलासी जिवीत जगता आनी आपल्या करिअरा विशीं तिणें सांगलें की आतां आपूण वेबसायट उगडपाचीं आसा. जंय तिका आपले फोटो विकून आनीक चड पयशे मेळटले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
