भांगरभूंय | प्रतिनिधी
भोपाळ, खबरां संस्था ः आयज २५ सप्टेंबराक प्रधानमंत्री नरेंद्र मोदी ‘कार्यकर्ता महाकुंभ’ संबोधीत करतले. मध्य प्रदेशांतल्या प्रधानमंत्री नरेंद्र मोदी हांच्या ‘कार्यकर्ता महाकुंभ’ बसकेक हाजीर रावपा खातीर भोपाळाक वचपी भाजपा कार्यकर्त्यांच्या बसीन ट्रकाक धपको दिलो. 39 भाजपा कार्यकर्ते जखमी जाले. खरगोन जिल्ह्यांत ही घडणूक घडली. रस्त्यार उबो आशिल्ल्या ट्रकाक बशीन धपको दिल्ल्यान 39 जाण जखमी जाल्ल्याची म्हायती मेळ्ळ्या.
जखमी जाल्ल्यांक जिल्लो हॉस्पिटलांत दाखल केल्यात. पुलिस हे घडणुकेची फुडली चवकशी करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
