भांगरभूंय | प्रतिनिधी
लखनौ, खबरां संस्था : लखनौच्या सीएमएस शाळेंत शिकतना णववेच्या वर्गांतलो विद्यार्थी बेशुद्ध पडलो. कर्मचार्यांनी ताका आरुशी वैजकी केंद्रांत व्हेलो. थंयच्यान ताका केजीएमयूंतल्या लारी कार्डियोलॉजींत धाडलो. पूण थंय पावतकच दोतोरांनी ताका मरण आयिल्ल्याचें जाहीर केलें. ही घडणूक अलीगंजच्या सेक्टर-ओची. मरण आयिल्ल्या विद्यार्थ्याचें नांव आतीफ सिद्दीकी.
आयज तो रसायनशास्त्राच्या वर्गांत अचानक बेशुद्ध जालो. शाळेचे शिक्षक आनी नर्सी हांणी रोखडोच गाडयेंतल्यान वैजकी केंद्रांत व्हेलो. सीपीआर करून लेगीत भुरगो साबुद्धीर येवंक ना. तेन्ना दोतोरांनी भुरग्याक काळजाचो आताक आयला, अशें सांगलें. ताका रोखडोच लारी कार्डियोलॉजी हॉस्पिटलांत व्हेलो. जेन्ना कार्डियोलॉजीच्या इमर्जन्सी वॉर्डांत पावले तेन्ना दोतोरांनी भुरग्याक मरण आयिल्ल्याचें जाहीर केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
