भांगरभूंय | प्रतिनिधी
मुत्रपिंड (किडनी) हो कुडींतलो म्हत्वाचो अवयव. जे रगत शुध्द करपाचें आनी तुमी जें कितें खातात वा पितात तातूंतले विखारी पदार्थ गाळून कुडींतल्यान काडून उडोवपाचे काम मुत्रपिंड करता.
मुत्रपिंडांक कुडींतल्यान विखारी पदार्थ काडपाक मेळना जाल्यार ते कुडींत जमून मुत्रपिंड, यकृत आनी हेर अवयव काम करपाचे बंद करतलें. जाका लागून मुत्रपिंडांत फातर जातात. थाकाय, पोट दुखप, तकली दुखप, सूज येवप सारकिल्ले त्रास जावंक शकतात.
मुत्रपिंड निवळ करपाचे उपाय
मुत्रपिंड निरोगी, घट आनी निवळ दवरपा खातीर खाणा- जेवणाचेर खास लक्ष दिवचें पडटा. कांय भाजयो आनी वनस्पत खाल्यार मुत्रपिंड निवळ आनी निरोगी दवरपाक मजत जाता. पोशणशास्त्रज्ञ आनी आहार तज्ञांनी किडनी निवळ करपा खातीर कांय भाजये विशीं सांगलां.
शिमला मिरसांग (Bell Peppers)
मूत्रपिंडांक शिमला मिरसांग फायदेशीर आसता. कारण तातूंत व्हिटॅमिन सी खूब आसता. जें मूत्रपिंड निवळ करपाक मजत करता. तातूंत अँटी-ऑक्सिडेंट खूब आसतात जे तुमच्या कुडीक मूत्रपिंडाच्या समस्यां पासून राखण दितात.
पालक (Spinach)
पालक ही मूत्रपिंडाचे भलायके खातीर खूब फायदेशीर भाजी. तातूंत तंतू, फोलेट आनी लोखण भरपूर प्रमाणांत आसता. जीं मूत्रपिंड निरोगी दवरपाक मजत करतात. पालक खाल्यार रगत शुद्ध जाता आनी मूत्रपिंडांत फातर जावपाचो धोको उणो जाता.
गाजर
मूत्रपिंडाचे भलायके खातीर गाजर बरे मानतात. कारण तातूंत जीवनसत्व ए खूब आसता. जें मूत्रपिंडाची बरी भलायकी सांबाळपाक मजत करता. गाजराचे सेवन केल्यार मूत्रपिंडाची कार्यक्षमताय वाडोवपाक मजत जाता.
टमाट
टोमॅटोंत लायकोपीन आसता, जें मूत्रपिंडाचे भलायके खातीर फायदेशीर आसता. हाका लागून मूत्रपिंडांत फातर जावपाचो धोको उणो जाता. तशेंच कुडींतल्या आम्लाचेर नियंत्रण दवरता.
तांबडी मिरसांग
तांबडे मिरसांगेंत पोटॅशियम आसता. तशेंच तातूंत जीवनसत्व सी, फोलेट, जीवनसत्व बी 6 आनी फायबर खूब प्रमाणांत आसता. जीवनसत्व सी हें एक अँटी-ऑक्सिडेंट जे कुडींत उर्जा, रगत प्रवाह आनी मेटाबॉल्जिम वाडोवपाक मजत करता. मिरसांगांनी लायकोपीन आसता जे एक बळिश्ट अँटीऑक्सिडेंट आसता आनी तें मूत्रपिंड निरोगी दवरता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
