भांगरभूंय | प्रतिनिधी
नवी दिल्ली, खबरां संस्था ः जेन्ना तुमकां तुमचो गाडी चलोवपाचो कायम परवानो करपाचो आसता तेन्ना तुमकां पयलीं शिकपाचो परवानो (लर्निंग लायसन) जाय. तुमकां जाय जाल्यार पिरायेच्या 16 व्या वर्सा लेगीत हें करूं येता, पूण हाचे खाला तुमकां फकत 50 सीसी परस उण्या इंजिन क्षमताय आशिल्लें वाहन चलोवपाक मेळटा. शिकपाच्या परवान्या उपरांत स म्हयन्यां भितर कायम परवान्या खातीर अर्ज करचो पडटलो.
आतां शिकपाचो परवानो मेळोवपा खातीर आरटीओन वचपाची गरज ना, आतां ऑनलायन लर्निंग परवान्या खातीर अर्ज करपाक शकतात. पूण कायमस्वरूपी परवानो घेवपा खातीर आरटीओ कार्यालयांत वचचें पडटले.
लर्निंग लायसन्स मेळोवपाची प्रक्रिया
१. परवान्या खातीर अर्ज करपा खातीर अधिकृत संकेतथळाक भेट दिवची – https://sarathi.parivahan.gov.in/sarathiservice/stateSelection.do
२. आतां पयलीं हांगा तुमचें राज्य निवडात. ते उपरांत लर्निंग लायसन्सचो पर्याय निवडात. लर्नर्स लायसन्सच्या पर्यायाचेर क्लिक केल्या उपरांत तुमकां आधार पर्याय दिसतलो, तुमच्या आधार कार्डाचो तपशील थंय भरात.
३. ते उपरांत गरजेचे कागदपत्र जमा करचे. हाचे उपरांत तुमच्या फोनाचेर ओटीपी येतलो. सगळे दस्तावेज भरल्या उपरांत, पेमेंट पर्याय निवडात. एकदां फारीकणी अपेशी थारल्यार तुमकां परतून 50 रुपया शुल्क भरचें पडटलें.
४. ही सोपी प्रक्रिया पुराय केल्या उपरांत तुमचो शिकपाचो परवानो 7 दिसां भितर तुमच्या घरांत पावयतले. पूण तुमचो परवानो कायम करपाचो आसल्यार मागीर आरटीओ कार्यालयांत वचचें पडटलें.
५. ड्रायव्हिंग परवानो नासतना भारतीय रस्त्यांचेर गाडी चलोवंक मेळना, देखून ताचो वैयक्तीक सत्यापन दस्तावेज म्हणूनय वापरतात. वाहन चालक परवानो जारी केल्ल्या तारखे सावन 20 वर्सां खातीर वैध आसता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
