भांगरभूंय | प्रतिनिधी
भांगरभूंय । खेळां मेज
पणजीः हेमंत रामाणी आनी प्रशांत कामत तशेंच अमित नायक आनी शिस्टो फर्नांडीस ह्या जोडयांनी पांचवे डॉ फिलीप पिन्टो यादस्तीक अखील गोंय टेबल टॅनीस सर्तींत वस्तादपण मेळयलें. क्लब वास्को द गामाच्या सहकार्यान कबील पिन्टो माखिजा हाणे क्लबाचे सुवातेंत ही सर्त आयोजीत केल्ली. फायनली खातीर भारताचो आदलो वेवसायीक फुटबॉल खेळडो आनी एफसी गोवाचो सहाय्यक कोच गौरामनगी सिंग आनी उद्देजक आनी क्लब वास्को द गामाचो अध्यक्ष नितीन बांदेकार मुखेल सोयरे म्हणून हाजीर आशिल्ले.
सुपर ग्रूपांत प्रशांत कामत आनी हेमंत रामाणी हांणी जॉन झेवियर आनी विकास प्रभू हांकां 3-1 अशें हारयलें. सेमी फायनलींत जॉन झेवियर आनी विकास प्रभून राज लोटलीकार आनी मोहम्मद मझर शेख हांका 3-2 अशें हारयलें. प्रशांत कामत आनी हेमंत रामाणीन डॉ बॅर्नान तावारीक आनी पीटर कोर्देरो हांका 3-0 अशें हारयलें.
एलीट ग्रुपांत अमित नायक आनी शिस्टो फर्नांडीसना सचीन सुवारीस आनी राजेंद्र पार्सेकारान 3 -1 अशें हारयलें. सेमी फायनलींत सचीन सुवारीस आनी राजेंद्र पार्सेकारान युसूफ शेख आनी राजेंद्र नायकाक 3-2 अशें हारयलें. अमित नायक आनी शिस्टो फर्नांडीस हाणी जोसेफ सिकेरा आनी संजय संकल्प हांका 3-1 अशें हारयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
