भांगरभूंय | प्रतिनिधी
खबरां संस्था
लॉर्ड्सः लॉर्ड्स मैदानार जाल्ले चवथे वन-डेंत इंग्लंडान न्यूझिलंडाक 100 धांवड्यांनी हारोवन 5 मॅचीचीं ही माळ 3-1 अशी जिखली. इंग्ंलडान मायदेशांत खेळटना न्यूझिलंडा आडची ही माळ जिखल्या. न्यूझिलंडान 2008 आनी 2013 वर्सा इंग्लंडान वन-डे माळ जिखल्ली.
इंग्लंडान टॉस जिखून पयलीं खेळपाचो निर्णय घेतलो. तांच्या डेव्हीड मलानान 127 धांवड्यांची खेळी केली. ताच्या खुस्तार इंग्लंडान 9 आवट 311 धांवड्यो केल्यो. तांका जाप दितना न्यूझिलंडाचो डाव 38.2 ओव्हरींत 211 धांवड्यांत सोपलो. इंग्लंडाच्या डावाची सुरवात बरी जाली ना. तांची पयली विकेट 28 धांवड्याचेर पडली. ओपनर जॉनी बेयरोस्टे फकत 13 धांवड्यो करपाक शकलो. डेव्हीड मलान आनी जो रूटान दुसरे विकेटी खातीर 79 धांवड्यांची भागिदारी करून स्कोर 107चेर व्हेलो.
रूटान 40 बॉलांत 29 धांवड्यो केल्यो, मलालान हॅरी ब्रूक वांगडा 32, जोस बटलरा वांगडा 56 आनी लियाम लिविंगस्टोना वांगडा 48 धांवड्यांची भागिदारी केली. मलानान 114 बॉलांत 14 चौके आनी 3 सक्यांनी 127 धांवड्यो केल्यो. ताचे कारकिर्दीतंलेो व्हो पांचवो शेकडो आसा. 21 डावांत 1000 हजार धांवड्यो करपी संयुक्त पांचवो बॅट्समन थारलो. ताणे केवीन पीटरसन आनी जोनाथन ट्रॉट वांगडा बोरोबोरी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
