भांगरभूंय | प्रतिनिधी
खबरां संस्था
नवी दिल्लीः आशियाई खेळां सर्ती खातीरच्या भारताच्या बायल आनी दादल्यांच्या क्रिकेट संघांत बदल केल्यात. बीसीसीआयन फाटल्या 15 जुलयांक पंगडांची घोशणा केल्ली. दादल्यांच्या पंगडांत दुखापत जाल्ल्या दोन खेळगड्याचे सुवातेर दोन खेळगड्यांक संद दिल्या. शिवम मावी हाका दुखापत जाल्ल्यान तांका पंगडा भायर दवोरला. ताचे सुवातेर फास्ट बॉलर आकाश दीप हांका संद दिल्या. बायलांच्या पंगडात दुखापत जाल्ल्या अंजली सरवानी हिचे सुवातेर अश्टतासी पूजा वस्रका हिका घेतला.
भारतीय पंगड पयलेच खेप आशियाई खेळां सर्तींत वांटेकार जातलो. युवा क्रिकेटीयर ऋतुराज गायकवाडाच्या फुडारपणा खाला भारतीय पंगड हे सर्तींत खेळटलो. रिंकू सिंग, प्रभासिरन सिंग आनी जितेश शर्मा हे स्टार खेळगडे भारतीय पंगडांत आसात. तांणी आयपीएलांत बरी कामगिरी करून दाखयल्ली.
2010 आनी 2014चे आशियाई खेळां सर्तींत बीसीसीआन कांय कारणांक लागून पगड धाडू ना. ह्या वेळार दादल्यांची आयसीसी किकेट सर्त आनी आशियाई खेळां सर्तीच्या तोरखो सारक्योच आशिल्ल्यान बीसीसीआय खातीर व्हडली आडमेळ जाल्ली. अंदूय भारताच्या संवसारीक तयारेच्या सगल्यो तारको आडमेळ हाडपी आशिल्ल्यो आशिल्लो ताका लागून वरिश्ठ खेळगड्यांक आशिआय खेळां सर्तींत धाडचे नात. आशियाई खेळां सर्तींत खेळपी पंगडांतल्या खेळगड्यांचो आयसीसी संवसारीक वन-डे सर्तींत आसपाक केलो ना.
आशियाई खेळां सर्तींत क्रिकेटीचो आसपाव करपाची ही तिसरी खेप आसा. हाचे पयलीं 2010 आनी 2014 वर्सा क्रिकेटीचो आसपाव केल्लो. मात भारतान आशियाई खेळांत दादलो वा बायलाचें पंगड धाडूं नाशिल्ले. दादल्याचे क्रिकेट सर्तींत बांगलादेश आनी श्रीलंकेन दरेकी एक भांगरा पदक जिखलां. बायलाचें क्रिकेटींत पाकिस्तानान दोन फावट भांगरा पदक जिखलां. 23 सप्टेंबर तें 8 ऑक्टोबर मजगतीं चीनांतल्या हांगझोऊ हांका आशियाई खेळां सर्त जातली. बायल क्रिकेट पंगडाच्यो मॅची 19 तें 28 सप्टेंबर मजगतीं जातल्यो, दादल्यांच्यो मॅची 28 सप्टेंबर तें 8 ऑक्टोबर मजगतीं जातले.
आशियाई खेळां सर्ती खातीर दादल्यांचो पंगड
ऋतुराज गायकवाड (कॅप्टन), यशस्वी जयस्वाल, राहुल त्रिपाठी, तिलक वर्मा, रिंकू सिंग, जितेश शर्मा (विकेटकीपर), वॉशिंग्टन सुंदर, शाहबाज अहमद, रवी बिश्नोई, आवेश खान, अर्शदीप सिंग, मुकेश कुमार, आकाश दीप, शिवम दुबे, प्रभसिमरन सिंग (विकेटकीपर). स्टँडबाय खेळगडे: यश ठाकूर, साई किशोर, व्यंकटेश अय्यर, दीपक हुडा, साई सुदर्शन.
भारताचो बायल पंगड
हरमनप्रीत कौर (कॅप्टन), स्मृती मानधना (व्हायसकॅप्टन ), शेफाली वर्मा, जेमिमा रॉड्रिग्स, दीप्ती शर्मा, ऋचा घोष (विकेटकीपर), अमनजोत कौर, देविका वैद्य, तितास साधू, राजेश्वरी गायकवाड, मिन्नू मणी, कनिका आहुजा, उमा छेत्री (विकेटकीपर), अनुषा बरेड्डी, पूजा वस्त्रकार
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
