भांगरभूंय | प्रतिनिधी
भांगरभूंय । प्रतिनिधी
सावयवेरेंः कपिलेश्वरी सम्राट क्लबाच्या भांगरा महोत्सवी वर्सा निमतान कवळेंच्या श्री सरस्वती माध्यमीक आनी उच्च माध्यमीक विद्यालयाच्या विद्यार्थ्यां खातीर मंडला कलेचेर आदारीत कार्यशाळा सरस्वती हायस्कूल सभाघरांत जाली. तातूंत वट्ट 60 विद्यार्थ्यांनी वांटो घेतलो. विद्यार्थ्यांनी तरेकवार कलाकृती करून दाखयल्यो. दिपा गोवेकारान तांका मार्गदर्शन केलें.
कार्यावळीच्या उक्तावणाक प्रशांच चिमुलकार, सुधाकर नागेशकार, दिवाकर शिंक्रे, सुचित्रा बांदेकार, मुख्याध्यापक सुदेश पारोडकार, प्रसाद नायक, प्राचार्य सरिता परब आनी संजना वाडीकार हाजीर आशिल्ली.
मंडला कला ही पोरणी कला आसा. ताचेर आदारीत कलाकृती तयार करतना पुराय लक्ष, कुशळताय आनी चातुर्य आसपाची गरज आसता. विद्यार्थी देशे सावन भुरग्यांमदी हे कलेची आवड तयार करपाक जाय अशें दिपा गोवेकारान सांगलें. सम्राट क्लबा वतीन प्रशांच चिमुलकार आनी विद्यालया वतीन सरिता परब हिणे मानेस्तांक फुलां दिवन येवकार दिलो. सूत्रनिवेदन संजना वाडीकारान केले आनी सुदेश पारोडकारान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
