भांगरभूंय | प्रतिनिधी
भांगरभूंय ।खेळां मेज
पणजीः गोंय बायल लीग फुटबॉल सर्तींत एफसी तुयें आडचे पयले मॅची पयलीं सिकेरी स्पोर्ट्स क्लबान आपल्या क्लब किटाचे अनावरण केलें. पैरा मैदानार बिरेस्तारा क्लबाच्या जर्सी अनावरण कार्यावळ जाली.
आमच्यो चलयो दुसरे फावट वेदांता बायल लीग सर्तींत वांटेकार जातल्यो. आमी 20 खेळगडींची नोंदणी केल्या. त्यो बरी कामगिरी करून दाखोवपाक तयार जाल्यात अशे सिकेरी एफसीचो सचीव लक्ष्मण हडफडकारान सांगलें. सिकेरी क्लबाची गोंय फुटबॉल उदरगत म्हामंडळा कडेन समजिकाय आसा, तांकां पैरा केंद्रात आसपावन घेतलां.
मधुकर तारी आनी पेक्साव गोम्स हे पंगडाचे प्रशिक्षक आसात. अलोक कोंठंबीकार आनी निमिषा हळदणकार वेवस्थापन पळयतात. पंगडा खातीर कीट आद्रिया मीडिया सोल्युशन्सान प्रायोजीत केल्यांत. सिकेरी एफसीन बायल फुटबॉलांक तेंको दिवप व्हो व्हड भोवमान आसा अशें आंद्रिया फर्नांडीसान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
