भांगरभूंय | प्रतिनिधी
० हरवळेंचे महालक्ष्मी देवस्थान हावसिंग कॉलनींत निमाणो श्रावणी शुक्रार १५ सप्टेंबराक मनयतले. सकाळीं 8.30 वरांचेर पूजा, अभिषेक, आरती जातली. सांजवेळा 6.30 वरांचेर येजमान, मुख्यमंत्री डॉ. प्रमोद सावंत आनी कुटुंब पुरस्कृत ‘स्वराभिषेक’ ही भक्तीगीत आनी नाट्य गीतांची कार्यावळ जाताली.
० ठाणें भौशीक गणेशोत्सव मंडळ अंदूं 19 ते 27 सप्टेंबर अशे णव दीस चवथी निमतान साबार धर्मीक, सांस्कृतीक आनी मनोरंजनाच्यो कार्यावळी घडोवन हाडटलें.
० गोंय शालांत मंडळाच्या धावी आनी बारावेच्या परिक्षेंत मराठी विशयांत 90 आनी ताचे वयर गूण मेळोवपी विद्यार्थ्यांचो आनी तांच्या मराठी शिक्षकांचो गोवा मराठी अकादमी संचालित मुरगांव तालुका प्रभाग समिती वतीन भोवमान करतले. ही कार्यावळ 15 सप्टेंबराक बायणा रवींद्र भवनांत सकाळीं 9:30 वरांचेर जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
