भांगरभूंय | प्रतिनिधी
उज्ज्वला येवजणे खाला तीन वर्सांनी 75 लाख जोडणी
नवी दिल्ली, खबरां संस्था : प्रधानमंत्री उज्ज्वला येवजणे खाला तीन वर्सांनी 75 लाख फुकट एलपीजी कनेक्शनां दिवपा खातीर केंद्र सरकारान बुधवारा 1,650 कोटी रुपयांची तरतूद केली. 2023 ते 2026 मेरेन ही तरतूद केल्या. पयलीं भरिल्लो सिलिंडर आनी शेगडी फुकट दितले, अशें म्हायती आनी प्रसारणमंत्री अनुराग ठाकूर हांणी मंत्रिमंडळाचे बसके उपरांत सांगलें.
तांणी म्हणलें, प्रधानमंत्री नरेंद्र मोदी हांचे अध्यक्षते खाला मंत्रिमंडळान अर्थीक वर्स 2023 – 24 ते 2025 – 26 हीं तीन वर्सां 75 लाख एलपीजी जोडणी करपा खातीर हे येवजणेच्या विस्ताराक मान्यताय दिल्या. हे येवजणे प्रमाण लावार्थ्यांक दरवर्सा 12 गॅस परत भरपा खातीर 14.2 किलोच्या दरेका सिलिंडराचेर 200 रुपया अनुदान दिता. 75 लाख जोडण्यो केल्यार हे येवजणेच्या लावार्थींचो आंकडो 10.35 कोटीं वयर वतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
