भांगरभूंय | प्रतिनिधी
गोंयचे पयले मुख्यमंत्री सर्गेस्त भाऊसाहेब बांदोडकार हांच्या उगडासाक आयोजीत केल्ले अंत्रुज म्हाल फुटबॉल सर्तीचो रुप्या करंड मडकयच्या एएफसी आक्सण पंगडाक फावो जालो.
ताका 51 हजार आनी करंड फावो जालो. बांदोडेंच्या सर्गेस्त भाऊसाहेब बांदोडकार मैदानाचेर सर्तीचें आयोजन केल्लें. फायनलींत ताणें गावणे बांदोडेंच्या आई लईराय पंगडाक 7-0 असो हारयलो.
इनामां भेटवण सुवाळ्याक मुखेल सोयरे म्हणून वीज मंत्री सुदिन ढवळीकार, मगो पक्षाचे युवा फुडारी मिथील ढवळीकार, कुर्टी जिल्हो पंचायत वांगडी प्रिया च्यारी, गणपत नायक, बांदोडेंचे सरपंच सुखानंद कुर्पासकार, पंच वांगडी वामन नायक, अजय नायक, राजू बांदोडकार, मडकयचे सरपंच शैलेंद्र पणजीकार, वाडी तळावलीची सरपंच वसुंधरा सावंत तळावलीकार, कुंडयचे सरपंच सर्वेश जल्मी, केंद्रीय समितीचे भांडारी अनंत नायक, कार्याध्यक्ष प्रताप फडते, संकेत मुळे तशेंच सध्याचे आनी आदले सरपंच, पंच वांगडी उपस्थीत आशिल्ले.
सर्तीची सेमी फायनलींत सुवात मेळोवपी चिकोलकार बॉयस आनी दाडसकाळ माशेल ह्या पंगडांक लेगीत इनामां भेटयलीं. शिस्तीचो पंगड म्हणून एस एस रायंगिणी आनी देवकीकृष्ण माशेल हांकां विभागून इनाम भेटयलें. सगल्यांत चड गोल केल्ले खातीर नायजे हाका इनाम फावो जालें. उत्कृश्ट खेळगडो म्हणून गौरीश गांवकार आनी मॅन ऑफ द मॅच म्हणून एफएससी आक्सणाच्या चेतनाची निवड जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
