भांगरभूंय | प्रतिनिधी
काणकोण: काणकोण मतदारसंघांत सिस्टमेटीक वोटर्स एज्युकेशन अॅण्ड एनरोलमेंट प्रोग्राम (एसव्हीईईपी) चें आयोजन काणकोण मामलेदार कचेरे वतीन केलें. काणकोणच्या सरकारी उच्च माध्यमीक विद्यालयाच्या सभाघरांत जाल्ले हे कार्यावळींत मुखेल सोयरे म्हूण स्विपच्यो दक्षीण गोंयच्यो नोडल अधिकारी दीपाली नायक, काणकोणचे उपजिल्होधिकारी रमेश गांवकार, मामलेदार मनोज कोरगांवकार, प्राचार्य गौतमी भगत, नोडल अधिकारी ममता नायक हाजीर आशिल्ल्यो.
शंबर टक्के मतदान जावचें हे नदरेन अधिकाऱ्यांनी कार्यरत रावूंक जाय अशें ह्या वेळार मार्गदर्शन करतना दीपाली नायक हांणी सांगलें.
ह्या वेळार विद्यार्थ्यांनी तयार केल्ल्या वण्टीपत्रकाचें आनी मतदारा संबंदीत तयार केल्ल्या सेल्फी पॉयंटाचें दीपाली नायक हांचें हस्तुकीं उक्तावण जालें.
आयज खोला सरपंचाची निवड
सरपंच अजय पागी हांणी आपल्या पदाचो राजिनामो दिल्ल्यान खोला पंचायतीचें सरपंचपद रितें आशिल्लें. हे सुवाते खातीर आयज (बिरेस्तारा) सकाळीं वेंचणूक जातली. सरपंचपदार आदले जिल्हो पंचायत वांगडी आनी पंच वांगडी कृष्णा वेळीप हांची निवड जावपाची शक्यताय आसा.
शुक्रारा ‘आयुष्यमान भव’
भलायकी शिबीर
मजगतीं, काणकोणच्या सरकारी समाजीक हॉस्पिटलांत आयुष्यमान भव हे येवजणे खाला शुक्रार 15 सप्टेंबराक सकाळीं 8 ते सांजवेळा 4 वरां मेरेन मेगा भलायकी शिबिराचें आयोजन केलां.
ह्या शिबिरांत सुमार 17 डॉक्टर विवीध प्रकारच्या दुयेंसां विशीं दुयेंतींची तपासणी करतले. ह्या शिबिराचो गरजेवंतांनी लाव घेवचो अशें भलायकी केंद्रा वतीन अवाहन केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
