भांगरभूंय | प्रतिनिधी
भांगरभूंय । प्रतिनिधी
म्हापशेंः चवथी निमतान भारतीय जनता पक्षाच्या सांस्कृतीक विभागान अखील गोंय माटोळी, देखावो आनी फॅमिली आरती सर्ती दवोरल्या. सर्तकांनी हे संबंदीचे व्हिडिओ 25 सप्टेंबर मेरेन थाडचे अशें आवाहन सांस्कृतीक विभागाचें समन्वयक दीपक तिळवे हाणे केला.
अंदू फॅमिली आरती सर्त, इको फ्रेंडली माटोळी आनी देखावो सर्त जातली. फॅमिली आरतीचो सुमार पांच मिनटांचो व्हिडिओ रिकॉर्ड करून तो धाडचो पडटलो. हातूंत वेवसायीक गायक आसपाक जायनात. फकत घरांतलें लोक आसपाक जाय. माटोळीचो व्हिडिओ तीन मिनटांचो आसपाव जाय. व्हिडिओ 8552011795 ह्या नंबराचेर धाडचे पडटले अशें तिळवे हाणे सांगलें.
एकोडी अभंग गायन सर्त 21 ऑक्टोबराक पणजे मिनेझीस ब्रागांझा सभाघरांत आयोजीत केल्या. सर्तकांनी 13 ऑक्टोबर मेरेन नांव नोंदणी करची, सर्त दनपारां 3 वरांचेर जातली. अभंक म्हणपाक 5 मिनटांचो वेळ दितले. तिनूय सर्तीचीं इनामा जैतिवंताक ह्या दिसा सांजे 6 वरांचेर मुख्यमंत्री डॉ प्रमोद सावंत आनी खासदार सदानंद शेट तानावडे हांचे हस्तुकीं दितले अशें तिळवेन सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
