भांगरभूंय | प्रतिनिधी
भांगरभूंय । खबरां मेज
पणजीः चिंबल- सरकारी माध्यमीक विद्यालय किर्लावाडा चिंबल आनी परशुराम मेमोरियल सरकारी माध्यमीक विद्यालय मेरशी हांच्या जोड पालवान तशेंच स्वामी समर्थ मंदिर सभागृह हांच्या सहकार्यान चवथी निमतान तिसवाडी म्हालांतल्या स्कुलांच्या भुरग्यांची आरती गायन सर्त घडोवन हाडली.
उक्तावण कार्यावळीक मुखेल सोयरे म्हणू पालिका प्रशासन खात्याचे संचालक गुरुदास पिळर्णकार, मानादिक सोयरी म्हणून जिल्हाो शिक्षण अधिकारी कविता नायक गांवकार , शाळेचे मुख्याध्यापक विषाल शिंगणापुरकार हाजीर आशिल्ले. सर्तीचें परीक्षण दुर्गाकुमार नावती आनी शंभु पिळर्णकार हांणी केले.
मानेस्तांची वळख शिक्षिका साक्क्षी पंडित आनी अनुपा भगत हांणी करुन दिली. सुत्रसंचालन शिक्षिका स्वेता पवार आनी शिक्षिका उषा पुनाजी हांणी केलें.शिक्षिका ज्योती अनिल नायक हिणे सर्तीचीविस्तारान म्हायती दिली. शिक्षिका सुरेखा देसाय हिणे जैतीवंतांची नावां जाहीर केलें. उपकाराचें उलवप विद्या पिळर्णकर आनी दीपा लवंदे हांणी केलें.
वट्ट 14 पंगडांनी आरती गायन सर्तींत वांटो घेतलो. पयली नंबर मुश्ठीफंड हायस्कूल- कुजिरा हांका दुसरें इनाम श्री दयानंद आर्या हायस्कूल, दिवाडी आनी तिसरें इनाम बालभारती विद्या मंदीर- रायबंद हांका फावो जाले. खोर्ली तिसवाडीच्या मडकयकार नवचैतन्य हायस्कूलाक उमेद वाडोवपी इनाम दिलें. उत्कृष्ट गजराचें इनाम जुवेच्या सरस्वती हायस्कुलाक मेळ्ळें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
