भांगरभूंय | प्रतिनिधी
भारताचो लेग स्पिनर युजवेंद्र चहलान कॅण्ट पंगडा वतीन खेळटना कावण्टी चॅम्पियनशिपींत उत्कृश्ट पदार्पण केलें. डिव्हिजन एक मॅचींत नॉटिंघमशायरा आड खेळटना ताणें तीन विकेटी घेतल्यो.
श्रीलंकेंत चालू आशिल्ले आशिया करंड सर्ती खातीर आनी फुडल्या म्हयन्यांत भारतांत जावपी संवसारीक वन डे सर्ती खातीर ताची भारताच्या पंगडांत निवड जावंक ना. ते उपरांत कावण्टी खेळपाक इंग्लंडाक गेलो. ताणें चार दिसांचे मॅचीच्या दुसऱ्या दिसा 20 ओव्हरींनी 52 धांवड्यो दिवन तीन विकेटी घेतल्यो. चहल कॅण्ट वतीन तीन मॅची खेळपाची ताणें कबलात केल्या. तो नॉटिंघमशायर आनी लंकाशायर आड कॅण्ट पंगडाच्या घरच्या मैदानाचेर खेळटलो. उपरांत समरसॅटा आड ताच्या खरच्या मैदानाचेर खेळटलो.
चहल भारताच्या टी-20 पंगडाचो नियमीत वांगडी, पूण जानेवारी तो आंतरराष्ट्रीय वन डे मॅची खेळूंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
