भांगरभूंय | प्रतिनिधी
नवी दिल्ली, खबरां संस्था ः युक्रेन झुजाक लागून संवसार दोन वर्सां सावन अर्थीक संकश्टांत आसा. पूण फाटल्या एका वर्सा भारतीयांनी परदेश प्रवासाचेर दुप्पट पयशे खर्च केल्यात. परदेशांतल्या इक्विटी-डेट आनी मालमत्ता बाजारांतय 69 टक्क्यां मेरेन पावली. लिबरलाइज्ड रेमिटेन्स येवजणे विशीं आरबीआयच्या फामाद अहवालांत हें उजवाडाक आयलां. तज्ञांच्या मतान, हाचें कारण म्हळ्यार विदेशी इक्विटी बाजारांत दर सरासरी 35-50% उणे आसतात. संवसारांतलीं चडशीं चलनां डॉलराच्या मुखार दुबळीं आसात.
एका वर्सात एलबीआरान शिक्षणाक धाडिल्ली संपत्ती एक तृतीयांश उणी जाल्या. तज्ञांच्या मतान परदेशांत बरी नोकरी मेळपाची शक्यताय उणी जायत आसा. ताका लागून परदेशांत वचपी भुरग्यांचो आंकडो उणो जाला. अर्थांत, ह्या वर्साच्या पयल्या सहामाहीत (६ म्हयन्यांत)मात्शी उदरगत जाली. जानेवारी ते जून मेरेन 12,779.56 कोटी रुपया खर्च जालो. 2022 वर्साच्या ह्याच सहामाहीत 12,399 कोटी रुपया आशिल्लो. म्हणल्यार 3.06% चड.
2023 वर्साच्या पयल्या सहामाहीत भारतीयांनी परदेश प्रवासाचेर 64 हजार कोटी रुपया खर्च केले. जाल्यार 2022 वर्साच्या पयल्या सहामाहीत 46,762.92 कोटी रुपया खर्च जाले. म्हणल्यार 37.53% चड.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
