भांगरभूंय | प्रतिनिधी
भांगरभूंय। प्रतिनिधी
मुरगांवः बायणा हांगच्या रवींद्र भवना वतीन आयोजीत केल्ल्या घुमट वादन कार्यशाळेंक शुक्रारच्या सुरवात जाली. 15 सप्टेंबर मेरेन चलपी हे कार्यशाळेंत 40 जाणांनी वांटो घेतला. रवींद्र भवन कार्यकारी समितीचो अध्यक्ष जयंत जाधव आनी प्रशिक्षक शुभम नायक हांणी दिवली पेटोवन हे कार्यशाळेंचें उक्तावण केलें. दनपारां 3-30 तें सांजे 6 मरेन घुमट वादन कशें करप हें शिकयतले.
कलेक उर्बां दिवपा खातीर रवींद्र भवना वतीन कार्यशाळा आनी हेर कार्यावळी आयोजीत करतात. शास्त्रोक्त पद्दतीन घुमट कशें वाजोवपाक जाय, ह्या वादनांतल्या तंत्रीग गजालीचें शिक्षण घुमट वादन कार्यशाळेंत दितले. गोंयांतली घुमट वादनाची कला तिगोवन दवोरपा खातीर एक यत्न म्हणून ही कार्यशाळा आयोजीत केल्या अशें जाधव हाणे ह्या वेळार सांगलें. कार्यावळीचें सूत्रसंचालन भवनाचो कार्यक्रम उदरगत अधिकारी बरेश नायक हांणे केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
