भांगरभूंय | प्रतिनिधी
नवी दिल्ली, खबरां संस्था ः हिताची पेमेंट सर्विस कंपनीन नॅशनल पेमेंट्स कॉर्पोरेशन ऑफ इंडिया (एनपीसीआय) हांच्या सहकार्यान भारतांतलें पयलें व्हायट लेव्हल यूपीआय- एटीएम सुरू केलां. हाका लागून गिरायकांक डेबिट वा क्रेडीट कार्डा बगर यूपीआय वरवीं पयशे काडपाक मेळटले.
हिताचीन ग्लोबल फिनटेक फेस्टांत यूपीआय एटीएम सुरू करून पयशे काडपाची नवी पद्दत सुरू केली. कंपनी भारताचो पयलो यूपीआय एटीएम बाजारांत हाडटा जो एक प्रकारचो व्हायट लेबल एटीएम आसतलो. बिगर बँकिंग सेवा पुरवणदारांच्या मालकीच्या, देखरेखीच्या आनी संचालनांतल्या एटीएम मशीनांक ‘व्हायट लेबल एटीएम’ म्हणटात अशी म्हायती हिताचीचे एमडी आनी सीईओ सुमिल विकमसे हांणी दिली.
तुमकां एटीएमांतल्यान कितले पयशे काडपाक जाय ते निवडात. मागीर ते रक्कमे संबंदीत आशिल्लो यूपीआय क्यूआर कोड दाखयतले. तो स्कॅन करपाक तुमचो युपीआय अॅप वापरात. वेव्हाराची खात्री करपाक तुमचो युपीआय पिन घालात. मागीर तुमी घाल्ली रक्कम तुमका मेळटली. तुमच्या स्मार्टफोनांत खंयचोय युपीआय सक्षम केल्लो अॅप आसल्यार तुमी हें करूंक शकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
