भांगरभूंय | प्रतिनिधी
भांगरभूंय । प्रतिनिधी
पणजीः बेती हांगच्या श्री शांतादुर्गा पिळर्णकरीण संस्थानात चवथ्या श्रावणी शुक्ररा निमतान 8 सप्टेंबराक सांजे 6.30 वरांचेर ‘स्वर-लहर’ ही भक्ती गीत आनी नाट्य संगिताची कार्यावळ आयोजीत केल्या.
पुण्यातले नामनेचो गायक चैतन्य कुलकर्णी आनी संज्योती जगदाळे ह्या वेळार भक्ती गीतां आनी नाट्य गीतां सादर करतली. संस्थानाचो अध्यक्ष शीतल चोडणकार आनी शर्मिला चोडणकार हांणी आयोजीत केल्ले हे खाशेले कार्यावळींत गायकांक मुरलीचेर रोहीत वानकार (नागपूर) रोहीत बांदोडकार (तबलें), प्रकाश आमोणकार (ऑक्टोपड आनी ढोलक), अवधूत च्यारी (कीबोर्ड) साथ संगत करतले. विष्णू शिरोडकार कार्यावळीचो निर्मातो आसा. आवाज येवजण सिद्धेश नायक हाची आसा. कार्यावळीक भाविकांनी व्हडा संख्येन हाजीर रावचें अशें आवाहन शीतल आनी शर्मिला चोडणकार हांणी केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
