भांगरभूंय | प्रतिनिधी
भांगरभूंय । प्रतिनिधी
वास्कोः गोंय मुक्ती झुजांत जाणी बलिदान दिलें. हौताम्य पत्करलें, कुटूंबाचो त्याग केलो तांचो संग्राम, प्रवास आनी इतिहास समजून घेवप सामकें गरजेचें आसा. कित्याक तर एकाद्र्या राज्याचो भूगोल बदलपाक येता मात इतिहास बदलप कोणाक शक्य जायना अशें मत लेखिका आनी म्हायतीपटांची निर्मणी करपी ज्योती कुंकळकार हिणे सांगलें.
विकासिनी मंडळ आनी पुराभिलेख खात्याच्यो जोड पालवान ‘गोंय मुक्तीचें होमखण’ ह्या म्हायतीपटाचें प्रदर्शन एमईएस वसंत जोशी म्हाविद्यालयांत जालें. त्या वेळार कुंकळकार उलयताली. माचयेर म्हाविद्यालयाच प्राचार्ड डॉ मनस्वी कामत, लेखिका संपदा कुंकळकार, कोंकणीचो प्राध्यापक सत्यवान नायक आशिल्लो. ज्योती कुंकळकारान म्हायतीपटांतल्यान गोंय मुक्ती झुजाचो इतिहास बरे भशेन सांगलां हें पळोवपाक मेळटा. ज्योती आनी तिची धूव संपदा व्हो म्हायतीपट हायस्कूल आनी म्हाविद्यालयांतल्या विद्यार्थ्यांक दाखयतात हे खातीर तांची तोखणाय करपाक जाय अशे मनस्वी कामत हिणे सांगलें. सत्यवान नायकान मानेस्तांची वळख करून दिली. रजत हेगडेन सूत्रनिवेदन केलें. पुराभिलेख खात्यान प्रकाशीत केल्ल्या पुस्तकांचो संच म्हाविद्यालयाक भेट म्हणून संपदा कुंकळकारान दिलो. कीर्ती मामलेदार आनी स्नेहल नायकान म्हातीतपट पळोवन आपलें मनोगत उक्तायलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
