भांगरभूंय | प्रतिनिधी
भांगरभूंय । खबरां मेज
पणजीः लोटलीच्या बीग फूटांत अंदूं आगळ्या वेगळ्या पद्दतीन रक्षा बंधन जालें. झाडांक राखी बांदून तांची राखण करपी वृक्ष बंधन बीग फूटांत जालें. मनीस आनी सैम हांच्या नात्याचेर उजवाड घालपी ही कार्यावळ आशिल्ली. बीग फूटांत येवपी पर्यटक बायलो आनी चलयांनी झाडांक राखी बांदल्यो. राखी म्हणून रंगयल्ल्यो नाल्लाच्यो कट्ट्यो झाडांक बांदल्यो.
लोटलीच्या बीग फूटांत गोंयच्या नीज संस्कृतायेची झलक पळोवपाक मेळटा. पर्यटकांक कट्ट्यो रंगोवय त्यो तांच्या आवडीच्या झाडाक राखी म्हणून बांदपाची विनवणी केली. आनी पर्यटकांनी व्हडा उमेदीन हें काम केलें. झाडांक राखी बांदून झाडांची आनी सैमाची राखण करपाक जाय व्हो संदेश आमी साबार लोकां मेरेन पावोवपाचो यत्न केला अशें बीग फूटाचो धनी महेंद्र आल्वारीस हाणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
