भांगरभूंय | प्रतिनिधी
भांगरभूंय । प्रतिनिधी
कुडचडेंः गोंय सरकाराच्या कला आनी संस्कृती खात्याचे पयले संचालक मोर्तू व्ही नायक हाचो तांचे पिरायेच्या अमृत महोत्सवा निमतान हालींच भौशीक भोवमान केलो. बांदकाम मंत्री नीलेश काब्राल, कला आनी संस्कृती खात्याचे संचालक सगुण वेळीप आनी नायक हाचो पुराय गोंयांतलो इश्ट परिवार ह्या वेळार हाजीर आशिल्लो.
कुडचडें हांगच्या दयानंद कला केंद्राची स्थापणूक करपाक मोर्तू नायक हाचें व्हडलें योगदान आसा. केंद्रा खातीरच्या तांच्या वावराची दखल घेवंन ताका कला केंद्राच्या कार्यकारी मंडळान मोगाचें प्रतीक म्हणून चंदेरी फ्रेम भेटयली. वाडदिसा निमतान सावड्डें हांगच्या शारदा सभाघरांत खाशेली कार्यावळ घडोवन हाडिल्ली. मोर्तू नायक हिची घरकान्न आनंदी नायक आनी हेर सुवासिनींनी 75 पणट्यो पेटोवन तांची ओवाळणी केली. उपरांत केप कापलो. बंटी उडेलकार हाणे मोर्तू नायक हाची प्रकट मुलाखत घेतली. ताणे सरकारी सेवेंत आसतनाचे कांय प्रसंग आनी हेर यादी सांगल्यो. हे कार्यावळीक सामाजीक वावुरपी, फुडारी, उद्देजक, कलाकार व्हडा संख्येन हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
