भांगरभूंय | प्रतिनिधी
काणकोण: विद्यार्थ्यांनी सद्दां अभ्यासाचो सराव करचो. आयचे प्रयोग मुखार कशे फायदेशीर जातले ते नदरेन अभ्यास करचो. तेच बरोबर जिद्द, चिकाटी आनी आत्मविस्वासाच्या बळार आपली मोख गांठची अशें मत काणकोणचे मामलेदार मनोज कोरगांवकार हांणी उक्तायलें.
काणकोणां सुपर स्कूल कॉम्प्लेक्साच्या वर्सुकीं इनाम भेटवण सुवाळ्याक ते मुखेल सोयरे ह्या नात्यान उलयताले. सुरवातेक दिवली पेटोवन मुखेल सोयऱ्यांचे हस्तुकीं उक्तावण केलें.
ह्या वेळार सुपर स्कूल कॉम्प्लेक्साच्यो अध्यक्ष गौतमी भगत, काणकोणचे भागशिक्षणाधिकारी अशोक गांवस देसाय, सुपर स्कूल कॉम्प्लेक्साचे मुख्याध्यापक, शिक्षक, विद्यार्थी व्हड संख्येन हाजीर आशिल्ले.
सर्तींचो निकाल मुखार दिल्ले प्रमाण
1) कवचेची बाटली चित्रकला सर्त : पयलें – आचल मनोज च्यारी (सवी) कात्यायनी बाणेश्वर विद्यालय पणसुलें, दुसरें- अलीम शानग्लय (सवी) सेंट तेरेझा स्कूल चावडी, तिसरें- वीतीका पागी (सातवी) सरकारी माध्यमीक हायस्कूल गवळ खोल.
2) संवसारांतल्या म्हज्या आवडटे सुवातेचो टूर मार्गदर्शक सर्त:-
पयलें- भूमिस्ता भगत, (श्रीमल्लिकार्जून हायस्कूल चार रस्तो), दुसरें- सपा साब (सेंट तेरेझा स्कूल चावडी), तिसरें- मानसी देविदास (बलराम डे केअर स्कूल)
3) ई म्हयनाळी सर्त:- पयलें- सरकारी माध्यमीक विद्यालय सादोळशें, दुसरें- गुरुकुल हायस्कूल काजूमळ, तिसरें- बलराम अ डे केअर स्कूल मोखर्ड श्रीस्थळ.
ह्या वेळार सगल्या शाळांक डॉक्टर सर्वपल्ली राधाकृष्णन हांचो फोटू मुखेल सोयऱ्यांचे हस्तुकीं भेट म्हूण दिलो.
परिक्षक म्हूण निशा परेरा, ब्लीविका फर्नांडीस आनी भाग्यश्री नायक हांणी काम पळयलें.
सुरवातेक श्रीमल्लिकार्जून विद्यालयाच्या विद्यार्थ्यांनी येवकार गीत सादर केलें. मुखेल सोयऱ्यांची वळख अशोक गांवकार हांणी करून दिली. गणपती नायक हांणी फुलांतुरे भेटयले. प्रास्तावीक गौतमी भगत हांणी केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
