भांगरभूंय | प्रतिनिधी
भांगरभूंय । प्रतिनिधी
फोंडेंः फोंडें चिन्मय मिशना वतीन आयोजीत केल्ल्या फोडें तालुको मर्यादीत कृष्णलिला हाचेर आदारीत चित्रकला सर्तींत वागळे हायस्कुलाच्या ओंकार नितांत कदम आनी शिक्षा सदन, प्रियोळच्या आर्यन च्यारीन तांच्या गटांत पयलीं इनामां मेळयली खडपाबांद फोंडेच्या चिन्मय आराधना आक्षमांत जाल्ले हे सर्तींत 91 भुरग्यांनी वांटो घेतिल्लो.
5 वी तें 7 वी ह्या गटांत ओंकार वागळे, अवनी चेतन नायकान दुसरें ( आल्मेदा हायस्कूल) आनी सान्वी गौरीश अभिषेकीन तिसरें (वागेळ हायस्कूल). ईशा नायक, सुप्रीत देविदास हांका उमेद वाडोवपी इनामां दिलीं. 8वी तें 10वेच्या गटांत आयुशी मयेकार (सरस्वती हायस्कूल, कवळें) आनी खुशी नायक (सरस्वती हायस्कूल) हाणी दुसरें आनी तिसरें इनाम जोडलें. वासुदेव भट आनी वेदिका नीलेश गावडे, (गुरुकूल अकादमी,बेतोडें) हांका उमेद वाडोवपी इनामां दिलीं.
शुभम च्यारी आनी पल्लवी केणी नेवरेकार हांणी परिक्षक म्हणून काम पळयलें. स्वामी सुघोषानंद हाणे सगल्या जैतिवंताक परबीं भेटयलीं. सर्तीच्या निमतान सगल्यांनी कृष्णाचें स्मरण केलें. नुपूर देसुरकार हिणे सूत्रसंचालन केलें, चिन्मय फोंडें केंद्राचे सचीव तिमप्पा कामत हाणे सगल्यांचे उपकार मानले. शांती पाठान कार्यावळीचो समारोप केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
