भांगरभूंय | प्रतिनिधी
बंगळुरू, खबरां संस्था : चंद्रयान ३ अंतरिक्षांत उडलो तेन्ना ‘उलटी गिनती’ करपाक आवाज दिवपी बायल शास्त्रज्ञ संवसाराक अंतरली. एन. वलरमथी अशें तिचें नांव. शेनवारा रातीं काळजाचो आताक येवन तिका मरण आयलें. इस्रोच्या जायत्या प्रकल्पांच्या उड्डाणांची उलटी गणना तिणें केल्या. वलरमथीचो आवाज बरो आशिल्लो. ६४ पिरायेचेर तिणें निमाणो स्वास घेतलो.
१४ जुलयाक श्रीहरीकोटाच्या सतीश धवन स्पेस सेंटरांतल्यान चांद्रयान उडलें. जाल्यार २३ ऑगस्टाक चांद्रयान ३ चें लॅन्डर मोड्युल विक्रम लॅन्डर आनी प्रज्ञान रोव्हर चंद्राच्या पृष्ठभागाचेर पावलें. चंद्राच्या पृष्ठभागाचेर पाविल्लो भारत हो देशांतलो चोवथो देश थारलो. तशेंच चंद्राच्या दक्षीण ध्रुवाचेर पावपी भारत हो पयलो देश थारलो. मजगतीं, चांद्रयानाचें प्रक्षेपण जालें तेन्ना कावंटडावन केल्लो. ह्या कावंटडावनाक जे बायलेचो आवाज आशिल्लो ती हीच वलरमथी.
इस्रोचे आदले संचालक डॉ. पी व्ही वेंकटाकृष्णन हांणी ट्विटराचेर तिच्या मरणाची खबर दिली. श्रीहरिकोट्टाच्यान इस्रोच्या फुडाराचे मोहिमे खातीर कावंटडावनाक वलरमथी हिचो आवाज आसचो ना. चांद्रयान ३ ही तिची निमाणी कावंटडावन. तिका अनपेक्षीत मरण आयिल्ल्यान खूब वायट दिसता, अशें तिणें म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
