भांगरभूंय | प्रतिनिधी
भांगरभूंय । खेळां मेज
पणजीः युगा स्पोर्ट्स अँड एंटरटनमेंट ह्या देशांतल्या स्पोर्टिंग कंपन्यांतली एक कंपनी प्रो रोल बॉल- इंडिया हे प्रीमियर हायस्पीड लिगाचो सिझन-1त वांटेकार जावपी आठ पंगडांचे लोको आनी जर्सीचें अनावरण केलां. आयटीसी ग्रँड सेंट्रल परळ- मुंबय हांका जाल्ले कार्यावळींत प्रो रोल बॉल लिगाच्या आठ फँचायझी धनयांनी लोगो आनी जर्सीचें अनावरण केलें.
प्रो रोल बॉल ही रोल बॉल ह्या स्वदेशी खेळा खातीर संवसारीर पांवड्यर चलपी पयली आंतरराष्ट्रीय लीग थारतली. 20 नोव्हेंबर तें 3 डिसेंबर मजगतीं 17 देशांचे आंतरराष्ट्रीय खेळगडे ह्या 15 दिसांचे लिगांत वांटेकार जातले. युगा .युगा स्पोर्ट्स अँड एंटरटेनमेंटाचे संस्थापक आनी सीईओ सिद्धार्थ मेहता हाणे सांगलें की भारतान सोदल्ल्या ह्या खेळाची ही एक बरी सुरवात आसा. आमचे खातीर व्हो अभिमानाचो खीण आसा. कारण आमी ह्या खेळा विशीं चड जागरुकताय तयार करून ह्या खेळाक आंतरराष्ट्रीय पांवड्यार व्हरतात. वर्सांतल्या दोन सिझनांत आशिया भरयां ही लीग सर्त आयोजीत करपाचें आमचें ध्येय आसा. देशांत खेळटात त्या पयल्या तीन लिगांत तिका सुवात मेळोवन दिवपाचें आमचें लक्ष्य आसा अशें तांणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
