भांगरभूंय | प्रतिनिधी
खबरां संस्था
मुंबयः आदलो आंतरराष्ट्रीय क्रिकेट अम्पायर पिलू रिपोर्टर हाका आयतारा पिरायेच्या 84व्या वर्सांर मरण आयलें. रिपोर्टर हांणे 28 वर्सांचे कारकिर्दींत 14 टॅस्ट आनी 22 वन-डें मॅचींत अम्पायर म्हणून काम केल्लें. 1986 वर्सा पाकिस्तान आड वेस्ट इंडिज माळेंत इम्रान खान हाणे पिलू रिपोर्टर हाकां भारतीय अम्पायर व्ही के रामास्वामी हाच्या वांगडा पाकिस्तानांत अम्पायरींग करपा खातीर आपयल्लें.
90च्या दशकांत संवसारातेल तटस्थ अम्पायर म्हणून पिलू रिपोर्टर आनी व्ही के रामास्वामी हांचे कडेन पळयताले. रिपोर्टर हाणे 1992च्या संवसारीक करंड सर्तींत लेगीत अम्पायरीग केल्लें. अम्पायर म्हणून काम करपाक सुरवात करचे पयलीं रिपोर्टर महाराष्ट्र विद्युत मंडळांत नोकरी करताले. त्या वेळार बॉम्बे क्रिकेट असोसिएशनान अम्पायराची सुवात भरपा खातीर जायरात दिल्ली. त्या वेळार ते चांचणेंत अपेशी थारल्लें. कांय तेपानते थळाव्या मॅचींनी अम्पायरींग करतना दिसले. निमाणे ताची रणजी ट्रॉफींत अम्पायर म्हणून नियुक्ती केली फुडें तें आंतरराष्ट्रीय अम्पायर जाले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
