भांगरभूंय | प्रतिनिधी
नवी दिल्ली, खबरां संस्था ः जागतीक ई- कॉमर्स कंपनी अॅमेझॉन भारतांत आपलो वेवसाय नेटान वाडयता. कंपनीन उत्पादन वितरणांत आनीक सुदारणा करपा खातीर भारतीय रेल्वे कडेन करार केला. आतां कंपनी फुडाराक आपलो माल बेगीन पावोवंक शकता आनी गिरायकांक थारिल्ले मुजती पयलीं तांची ऑर्डर पावोवपाचे यत्न करतले.
भारतीय रेल्वे सोडल्यार, अॅमेझॉनान सुपरफास्ट डिलिव्हरी खातीर भारतीय टपाल सेवां कडेन भागीदारी केल्या, जे पयल्या प्रकारचे एकत्रीत क्रॉस-बॉर्डर लॉजिस्टिक सोल्यूशन्स दितात. आतां भारताच्या खंयच्याय कोनशाक बसल्ल्या मनशाक आपलें उत्पादन न्यूयॉर्कांत धाडपाचें आसल्यार ताका तें सामकें सोंपेंपणान करपाक मेळटलें. हाचे भायर अॅमेझॉन इंडियान आर्टिफिशियल इंटेलिजन्सांतल्यान साहाय्याचीय घोशणा केल्या, जाचे खाला ल्हान वेवसायांक एआय वरवीं आपलें काम सोंपें करपाक मजत जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
