भांगरभूंय | प्रतिनिधी
भांगरभूंय । खेळां मेज
पणजीः कुठ्ठाळेच्या सेंट जोसेफ वाझ कॉलेजींत खेळां खातें आनी शारिरीक शिक्षण विभागान राष्ट्रीय खेळां दिसा निमतान सप्तकभर वेगवेगळ्यो आंतर हाऊस सर्तीं घडोवन हाडल्यो. तातूंत विद्यार्थ्यांनी उमेदीन वांटो घेतोल. फिलीप आनी जेम्स हॉलांत जाल्ल्या टेनिकॉयट सर्तींत दिशांत काणकोणकार अनेझिया बारेटो, मुस्कान कुमारी आनी उमेश गनी हांणी टीम पायथागोरसाची जैतिवंत जाली. इलॅक्ट्रॉन पंगड उपजैतिवंत आनी तिसरो नंबर हायड्रोफायट्स पंगडाक मेळ्ळो.
इंटर हाऊस टेबल टॅनीस सर्तींत अमित नायक, छवी सिंग, युव्हेंसी सिमोस आनी सॅनफोर्ड डायस हांणी जैत मेळयलें. टीम पायथागोरसा उपजैतिवंत आनी तिसरो नंबर टीम हायड्रोफायट्सान मेळयलो. इंटर हाऊस फुटबॉल सर्त जी एल डीसिल्वा
एरिना, कुठ्ठाळी हांगा जाली. उमळशीक वाडोवपी मॅचींतपरतून एक फावट टीम क्रोमोझोमांनी आपलें श्रेश्ठत्व दाखोवन किताब जिखलो.. ह्या पंगडांत युव्हेंसी सिमोस, ऋतिक परब, अमित नायक, सॅनफोर्ड डायस, सूरज राठोड, आनी विग्नेश नायक हांचो आस्पाव आशिल्लो. इंटर हाऊस कॅरमाचें आयोजन जालें आनी सगळ्या पंगडांनी उत्कृश्ट कामगिरी केली. पायथागोरस आनी टीम हायड्रोफायट्स हांणी पयलो क्रमांक मेळयलो जाल्यार टीम इलॅक्ट्रॉन आनी टीम क्रोमोझोम हांणी तिसरो नंबर मेळयलो. सप्तकभर जाल्ल्या सर्तींनी कॉलेजांतल्या 40 परस चड विद्यार्थ्यांनी वांटो घेतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
