भांगरभूंय | प्रतिनिधी
खबरां संस्था
नवी दिल्लीः 17 वर्सां पिरायेचो भारतीय ग्रँडमास्टर डी गुकेश भारताचो नंबर 1 बुद्धिबळ खेळगडो थारला. गुकेशान तीन दशकां उपरांत भारताचो बुद्धिबळ लिजेंड विश्वनाथ आनंदाक फाटीं वडयलां. 1986 वर्सा आनंद भारताचो नंबर 1 खेळगडो आशिल्लो. चैन्नयच्या गुकेशान हालींच बाकूंत फिडे वर्ल्ड कप बुद्धिबळ सर्तीचे क्वार्टर फायनलींत मॅग्नस कार्लसनाक हारयल्लें.
गुकेश आता आनंदाक फाटीं उडोवन संवसारांत नबर 8चेर पावला. तो पयले फावट फिडें रेटिंगानत अग्रक्रमी 10 खेळगड्यांत आयला. पांच फावट वर्ल्ड चॅम्पियन आशिल्लो विश्वनाथ आनंद 9वे सुवातेर आसा. 1 सप्टेंबराक जाहीर केल्ले फिडे क्रमवारी प्रमाण गुकेशाची रेंटिंग 2758 आसा जाल्यार आनंदाची 2754 आसा. 1 ऑगस्ट उपरांत रेटिंगान गुकेशान तीन सुवांतांचो फायदो जाला.
बुद्धिबळ वर्ल्ड कपाचे फायनलींत पाववी आर प्रज्ञानंद 2727 रेटिंग सयत क्रमवारींत 19वे सुवातेर पावला. गुकेश आनी आनंदा उपरांत तो भारताचो नंबर 3 खेळगडो आसा. टॉप 30त पांच भारतीय आसात. विदित संतोष गुजराती (नंबर 27) आनी अर्जुन एरिगैसी (नंबर 29) आसात. अणभवी पी हरिकृष्णा 31 वे सुवातेर आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
